Байгаль орчин, аялал жуулчлалын яамнаас “Цэвэрхэн наадъя” уриалгад иргэдийг нэгдэхийг дахин уриаллаа. Өнгөрсөн онд тус аянд арваад компани нэгдэн, багагүй үр дүнд хүрсэн тул энэ онд илүү олон иргэн, компани нэгдэнэ гэж найдаж байгаа аж.

Хог боловсруулах үйлдвэрт Байгаль орчин, аялал жуулчлалын яамнаас 400 сая төгрөгийн дэмжлэг үзүүлсэн байна. Удахгүй бид хогоо ангилан, ялгадаг улс болно. Ирэх есдүгээр сард үйлдвэрийг нээнэ гэв. “Цэвэрхэн наадъя” гэсэн сэдвээр сэтгүүлчдийн дунд уралдаан зарлаж, шилдэг шийдэл санал болгосон бүтээлийг шалгаруулах юм байна.

 Тэдэнд үйлчлэхдээ хүнд үйлчилж байна гэж битгий хандаарай гэж хүсмээр байна. Мөн дотоодын иргэдэд хандан, цэвэр цэмцгэр наадахыг хүсэж байна”

Улсын их баяр наадам удахгүй болно. Төв цэнгэлдэх хүрээлэн нийт 13 500 хүний суудалтай. Үүний 3500-г нь аялал жуулчлалын компаниуд авахыг хүсжээ. Гэвч төв цэнгэлдэх хүрээлэн бол хувийн өмч. Суудлын хуваарилалтад бид шууд оролцож чадахгүй.

Наадмын нээлтийг үзэж чадаагүй жуулчдад зориулан 11-ний орой “Наадам найт” /Naadam night/ шоу Үндэсний соёл амралтын хүрээлэн буюу хуучнаар паркад болно. Наадмын нээлтийг монгол хэлээр зохион байгуулдаг тул гадаад жуулчид ойлгодоггүй. Иймд өглөө болсон нээлтэд орж чадаагүй жуулчид орой нь болох шоунд оролцон, англи хэл дээр  мэдээлэл авах боломжтой.

Н.Цэрэнбат сайд цааш нь “Жуулчдын тоог өсгөх боломжтой. Монголын талаар таагүй мэдээлэл гарах тусам манайд ирэх жуулчдын тоо буурдаг. Ариун цэврийн байгууламжийн хувьд компаниуд чанар стандартаа сайжруулсан ч хангалттай биш байна. Аялал жуулчлалын салбарыг чанарыг дээшлүүлэхийн тулд үнэ төлбөргүй сургалт зохион байгуулж, хөтөч бэлтгэх гэх мэт сургалтад 10 мянган хүн хамрагдсан. Нийслэлийн аялал жуулчлалын газартай бид хамтран ажиллаж байна. Улаанбаатар хотын захирагчийн ажлын албатай үйл ажиллагаагаа уялдуулах шаардлага бий.

Манайд наадмын үеэр ирдэг жуулчдын тоо ихээхэн өсдөг. Тэдэнд үйлчлэхдээ хүнд үйлчилж байна гэж битгий хандаарай гэж хүсмээр байна. Мөн дотоодын иргэдэд хандан, цэвэр цэмцгэр наадахыг хүсэж байна” гэв.

Торгоны замын авто ралли манай улсад болж байгаа тул зам дагуу ариун цэврийн байгууламж, хогийн савнуудыг олноор нь байршуулжээ. Цаашид нийслэлд бизнесийн буюу хурал чуулганы аялал жуулчлалын салбарыг түлхүү хөгжүүлнэ, Ганданг жуулчдын очдог цэг болгон, одоогийн Жуулчны гудамж буюу Урт цагааныг нийслэлийн ерөнхий төлөвлөгөөний дагуу өөрчлөн хөгжүүлэх юм байна.