//Шалган нэвтрүүлэх товчооноос гадна 6 цэгт хяналтын пост ажиллаж байна

Шалган нэвтрүүлэх товчооноос гадна 6 цэгт хяналтын пост ажиллаж байна

Баяр амралтын өдрүүдэд Улаанбаатар хотоос 230 мянга орчим тээврийн хэрэгсэл орон нутгийн чиглэлд гарсан ба өмнөх оны мөн үeэс 50 хувиар өссөн үзүүлэлттэй байсан талаар Тээврийн цагдаагийн албанаас мэдээлж байна. Дээрх тээврийн хэрэгслийн хөдөлгөөн энэ амралтын өдрүүдэд нийслэл хот руу чиглэх хандлагатай байгаа тул тэдний аюулгүй байдлыг хангах, мөн тарваган тахлаас урьдчилан сэргийлэх зорилгоор Нийслэлийн онцгой комиссын даргын 2020 оны долоодугаар сарын 17-ны өдрийн 17 дугаар тушаалаар нийслэлийг тойрсон шалган нэвтрүүлэх товчооноос гадна 6 цэгт хяналт шалгалтын пост ажиллаж байна. 

Эрхэм жолооч та замын хөдөлгөөнд оролцохдоо тээврийн хэрэгслийн хурдыг хэтрүүлэхгүй байх, бага насны хүүхдийг зориулалтын суудалд суулгах, хамгаалах бүсээ тогтмол бүслэх, урсгал сөрөхгүй байх, тарваган тахлаас өөрсдийн болон бусдын амь нас эрүүл мэндийг хамгаалж тээвэрлэхгүй байхыг анхаарна уу. 

Эх сурвалж. НОБГ