//Архангай аймагт шатахуун ачсан автомашин осолдож, 2 хүн нас баржээ

Архангай аймагт шатахуун ачсан автомашин осолдож, 2 хүн нас баржээ

2020 оны 7 дугаар сарын 15-ны өдөр Архангай аймгийн Эрдэнэбулган сумын Цагаан даваанд шатахуун ачсан ачааны автомашин  осолдож, шатлаа. Ослын газарт Архангай аймгийн Онцгой байдлын алба ажиллаж, галыг унтраасан байна. Мөн их хэмжээний шатахуун асгарсан тул замын хөдөлгөөнийг хаахад хүрчээ.

Ослын улмаас хоёр хүн амиа алдаж, найман хүн түлэгдсэн байна. Түлэгдсэн иргэдийг аймгийн нэгдсэн эмнэлэг рүү хүргэжээ. Ослын үеэр гарсан галд  таван автомашин, нэг мотоциль өртсөн юм байна. Хэргийн газарт аслын нөхцөл шалтгааныг тогтоохоор тус аймгийн Цагдаа, Онцгой албаныхан ажиллаж байна.