//ОБЕГ-ын дарга орон нутагт ажиллаж байна

ОБЕГ-ын дарга орон нутагт ажиллаж байна

Онцгой байдлын ерөнхий газрын дарга, хошууч генерал Т.Бадрал Онцгой байдлын газрын үйл ажиллагаа, орон нутгийн өвөлжилтийн бэлтгэл ажилтай танилцахаар Өвөрхангай, Баянхонгор, Говь-Алтай, Ховд, Баян-Өлгий, Увс зэрэг аймгуудад ажиллаж байна.

Өвөрхангай аймгийн Онцгой байдлын газрын болон Нарийн тээл сум дахь Улсын нөөцийн салбарын үйл ажиллагаатай танилцлаа. Өвөрхангай аймгийн ихэнх нутгаар өвсний гарц тааруу, хур тунадас бага орсноос өвөлжилтийн нөхцөл байдал хүндрэх төлөвтэй байгаа учраас малчид Булган, Архангай, Төв, Говьсүмбэр, Дундговь, Хэнтий, Сүхбаатар аймгийн нутагт 1200 малтай отроор өвөлжих юм байна.

image

Улсын нөөцийн бараа хадгалалтын горим, стандартыг хангахад агуулах, байрны асуудал хамгийн чухал. Тиймээс ОБЕГ-ын дарга, хошууч генерал Т.Бадрал, Нарийн тээл сум дахь Улсын нөөцийн салбарын өвс тэжээлийн агуулахтай танилцаад, агуулахын дээврийг засварлах, гэрэлтүүлэг, хашаажуулалт, цахилгаанд холбох зэрэг ажлыг ирэх жилийн төлөвлөгөөнд оруулан өөрсдийн нөөц бололцоог ашиглан ажиллахыг үүрэг болгоод дэмжлэг үзүүлж ажиллахаа илэрхийллээ.

Онцгой байдлын ерөнхий газар