Техникийн болон онолын сургалтууд явагдаж байна

access_time 2019-09-09
remove_red_eye 23
Техникийн болон онолын сургалтууд явагдаж байна

Онцгой байдлын ерөнхий газраас АНУ-аас Монгол Улсад суугаа Элчин сайдын яам, Энэтхэг, Номхон далайн цэргийн командлалтай хамтран Дорноговь  аймагт зохион байгуулж байгаа “Говийн чоно-2019” гамшгийн хор уршгийг арилгах олон улсын сургалт, дадлага сургууль техникийн болон онолын сургалтаар эхэллээ.

Дадлага сургуулийн хүрээнд 21 төрлийн техникийн болоод онолын сургалт зохион байгуулагдах бөгөөд өнөөдөр эрэлч нохойн албаны, бэхэлгээний техник болон аюултай материалын хадгалалт, малын эмч нарт зориулсан сургалтууд явагдаж байна.

Сургалтыг АНУ-ын Номхон далайн цэргийн командлалын сургагч багш нар удирдан явуулж, сургалтад ОБЕГ-ын харьяа Үндэсний аврах бригад, НОБГ-ын нийслэлийн Аврах анги 105, Өмнөд Бүсийн төв Өмнөговь, Зүүн бүсийн төв Дорнод, Сүхбаатар, Хэнтий, Дундговь, Говьсүмбэр аймгийн Онцгой байдлын газруудын аврагчид хамрагдаж байгаа юм гэж Онцгой байдлын ерөнхий газраас мэдээллээ.

Холбоотой мэдээ

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

© 2019 Бүх эрх хуулиар хамгаалагдсан. shilen.mn